杯麵好多时都是我们的最佳伴侣，方便又好食，不过食得多都闷，最近Hello Pinkey在一间小型日本超市发现即食的日式滑蛋鸡，用真空冻结乾燥技术製乾，热水泡30秒，再自己加个白饭，即成亲子丼，试过质素几好，放屋企看门口，或者带去露营都ok呀！
4 款口味 轻身！手掌大！易Carry
一系列共有4款，包括亲子丼、滑蛋牛肉丼、中华丼和麻婆茄子丼，全部一包紫菜咁大，轻身，带去露营够轻，放屋企也易储藏。开出来好似乾的海绵，加热水等30秒便食得，不过没包饭㗎，可以自己煲饭或煮多个杯麵啰！煮出来卖相唔错，味道都ok喎，蛋好滑，鸡有少少嚡，但胜在量够多，净食滑蛋鸡会偏鹹，但连饭一齐食就ok。
在同一间日本超市，还有更多即食Product，继续睇介绍吧！
叮叮麻婆豆腐饭
呢款麻婆豆腐饭，只需要拆出来，叮3分钟左右就食得，估唔到质素几好，豆腐香滑，豆瓣酱惹味，最劲是日本珍珠米叮完都仲圆浑湿润。
番茄芝士Risotto
连Risotto都有得即食？劲喎！又係加热水，等30秒即成。味道就无亲子丼咁好，因为饭粒不烟韧，但番茄味都几开胃，贪得意可以试下！
超市内货的品种繁多，还有即食麵、新鲜蔬菜、茶叶，连药妆都有少量。
M’ mart
地址：红磡宝其利街47号锐光中心地下
电话：2375 1081
营业时间：星期一至五 10am-8pm，星期六及日 10am-10pm